Талдамалық анықтама

ЖОБАНЫҢ МАҚСАТЫ: Педагогтердің шығармашылық қабілеттерін дамытуға жағдай жасау, олардың кәсіби құзыреттілігін арттыру және білім беру үрдісінде инновациялық әдіс-тәсілдерді тиімді қолдануына ықпал ету. МІНДЕТТЕРІ: 1. Педагогтерге шығармашылық ойлау дағдыларын дамытуға бағытталған тренингтер өткізу. 2. Заманауи әдістемелер мен технологияларды меңгеруге мүмкіндік беру. 3. Шығармашылық жұмыстар байқауын ұйымдастыру. 4. Педагогикалық тәжірибе алмасу алаңын құру. 5. Шығармашылық жобаларды жүзеге асыру арқылы мотивацияны арттыру. МАҚСАТТЫ ТОП: Нысаналы мектеп педагогтері ЖОБАНЫ ІСКЕ АСЫРУ МЕРЗІМІ: 2025 жылғы қаңтар – 2025 жылғы маусым КҮТІЛЕТІН НӘТИЖЕЛЕР: • Педагогтердің шығармашылық әлеуеті артады; • Инновациялық әдістерді қолдану жиілігі көбейеді; • Педагогтердің кәсіби мотивациясы мен өз-өзіне сенімділігі артады; • Білім беру сапасы мен оқушылардың қызығушылығы артады.

Сыбайлас жемқорлық тәуекелдерін ішкі талдау нәтижелерін жария талқылау күні туралы хабарландыру 2025 жылғы 14 сәуір сағат 15:00-де Жетісу облысы,Қаратал ауданы, Үштөбе қаласы Попова көшесі, 6, мекен-жайында (1 кабинет) «Қаратал ауданы бойынша білім бөлімі» ММ қызметіндегі сыбайлас жемқорлық тәуекелдеріне ішкі талдау нәтижелерін қоғамдық талқылау өтеді. Анонс сыбайлас жемқорлық тәуекелдеріне ішкі талдау нәтижелерін талқылау бойынша жұртшылықты хабардар ету үшін жүргізіледі. Сұрақтар бойынша келесі телефондарға хабарласа аласыз: 8-7283441918, 8-7759264367 Салтакова Г.К. Объявление о дате публичного обсуждения результатов внутреннего анализа коррупционных рисков 14 апреля 2025 года в 15:00 часов по адресу: область Жетісу город Уштобе улица Попова, 6 (1 кабинет) состоится общественное обсуждение результатов внутреннего анализа коррупционных рисков в деятельности ГУ ГУ «Отдел образования по Каратльскому району Управления образования области Жетісу». Анонс проводится для информирования общественности по обсуждению результатов внутреннего анализа коррупционных рисков. По вопросам обращаться по телефонам: 8-7283441918, 8-7759264367 Салтакова Г.К.

Ақпарат

Қаратал ауданында жыл сайынғы «Мектепке жол» республикалық акциясы биылғы 1 тамыздан 30 қыркүйекке дейін жалғасады. «Мектепке жол» акциясы аз қамтылған, көп балалы, жетім және ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету мақсатында жыл сайын тұрақты ұйымдастырылады. «Мектепке дайындық үшін қайырымдылық көмек көрсетуге әлеуметтік осал топтағы 750 баланың тізімі жасалды. Сонымен қатар Үкімет қаулысына сәйес әлеуметтік жағынан осал отбасыларының 1570 баласын киім-кешек, кеңсе тауарларымен қамту мақсатында жергілікті бюджеттен  65, 149,0 теңге қаражат бөлінді, яғни 1 балаға 43 407 теңгеден бөлінген. Қаражат ата-аналардың карточкалық есепшоттарына 10 тамызға дейін толық аударылады» Сол сияқты акция аясында аудан орталығының және ірі сауда орындарында мектеп тауарларын төмендетілген бағамен сататын мектеп жәрмеңкелерін өткізу жоспарланып отыр.

Алқалы жиында Алматы қаласы, Жетісу және Алматы облыстарының мектеп директорлары, білім басқармалары мен бөлімдерінің басшылары білім беру саласындағы өзекті мәселелерді талқылады. 🗳️2023 жылғы білім саласындағы барлық бақылау іс-шараларының қорытындысы бойынша Оқу-ағарту министрлігі бірқатар тежеуші факторларды анықтады. Бұл, өз кезегінде, ұсынылатын білім беру қызметтерінің, білім сапасының төмендеуіне және балалардың білім алу құқықтарының бұзылуына әкеледі. Нәтижесінде министрлік тарапынан әдістемелік ұсынымдар беріп, барлық анықталған заңбұзушылықтарды жою бойынша жұмыс жасалды. 💬«Білім беру жүйесін жақсарту мақсатында министрлік 2023 жылы білім беру сапасын арттыруға және сыбайлас жемқорлық тәуекелдерін жоюға бағытталған ірі жобаларды іске асырды. Біздің ортақ мақсатымыз — балаларды сапалы біліммен және саналы тәрбиемен қамтамасыз ету. Ол үшін әрбір басшы жалпыадамзаттық және ұлттық құндылықтарға негізделген бағдарларды анықтауы қажет», - деп атап өтті Ғани Бейсембаев. 💬«Білім берудегі жаңа өзгерістердің 1000 көшбасшысы" жобасы менің көптеген әріптестеріме өзінің бағын сынауына жақсы мүмкіндік болды. Бағдарламаның басынан бастап біз іріктеудің әртүрлі кезеңдерінен өттік. Еліміздің озық мектептерінде оқыдық және тағылымдамадан өттік. Мен осы бағдарламаның бір бөлігі болғаныма қуаныштымын. Мен еліміздің игілігі мен отандық білім берудің өркендеуі үшін одан да зор құлшыныспен жұмыс істеуге дайынмын», - деді Алматы қаласындағы М.Мақатаев атындағы № 140 гимназиясы директорының оқу-тәрбие жұмысы жөніндегі орынбасары Дәурен Сағынғалиев. 🧑🏻‍🏫Сондай-ақ, форумда Алматы қаласы, Алматы облысы және Жетісу облысы мектептерінің басшылары сөз сөйледі. Олар Оқу-ағарту министріне тікелей сауалдарын қойып, жауаптарын алды. Кездесуге еліміздің үш облысының орта білім беру ұйымдарының 800 басшысы қатысты.Бұл іс-шара еліміздің басқа өңірлерінде де жалғасады.

8 қаңтар күні оқушылар арасында "Жыр алыбы - Жамбыл" жас ақындар айтысының облыстық кезеңі өтті. Қазылар алқасы сайыскерлердің сөз саптауын, тіл байлығын және суырып салмалық өнерін таразылады, нәтижесінде, ауданымыздан айтысқа жанары ұшқын шашқан «Жаңаталап орта мектебі» КММ-ң 8 - сынып оқушысы Әділғалымқызы Алуа жүлделі ІІ орынға ие болды.Халқымыздың маңдайына біткен өнерін өшіріп алмай, келер ұрпаққа жеткізетін дарынды оқушымыздың алар асуы, шығар шыңы көп болсын!

ОБЛЫС КӨЛЕМІНДЕ ІС-ТӘЖІРИБЕ ТАРАТЫЛДЫ! 2024 жылдың 06-ақпан күні педагогтардың сабақ үрдісінде функционалдық сауаттылық тапсырмаларын тиімді қолдану жолдарын жетілдіру мақсатында «Оқу мақсаттары бойынша тапсырмаларды тиімді ұсыну жолдары» тақырыбында ұйымдастырылған облыстық вебинарда Б.Римова атындағы ОМГ физика пәні мұғалімі Нұрзат Айғалиқызы Қасымбаева «Толқындық қозғалыс. Электромагниттік толқындар» тақырыптарында оқу мақсаттарына сай тапсырмалар құрастырып, іс-тәжірибесімен бөлісті. Шығармашыл ұстазымызға толағай табыстар тілейміз!